क्षणिकाहरु

त्यो लम्बू खोला सुसाई रह्यो सुन्दिने कोहि छैन 
गुराँसे जंगल सुकेर गयो उन्दिने कोहि छैन ।
पूर्वको ज्योति पहिलो झुल्को त्यो मेरै सिरान
गाउले बन्धु विदेश लागि हुदैछन् किनार ।।

-----------      ***  -------------------

आँशुको रोदन झुकेर हेर्दा मुहार झस्किन्छ 
मिर्मिरे ज्योति आउला कि भनि सुदेह मस्किन्छ ।
तिनजुरे फेदी त्यो मेरो गाउ बसन्त डाकेको 
शान्तिको कपन आउलाकि भनि कालिका भाकेको ।।

-----------------   ***  ---------------------

भाई भाई फुटाउने नियतले गर्ला भलो के भनौ 
दुष्टा नै भएर वेशर्मी पनको काष्ठा परा नै जानौ ।
लक्ष्मी हौ घरकी भनेर जानेकी बाहान चढ्यौ कि उलूक 
वास नै उठायौ कसैको तिमीले , हे दैव ! कस्तो मुलुक ।।

 ----------------------  *** -------------------------

गान्धारीको ललाट कपटमा 
लुकेको यदि यथार्थ छ भने 
धृतराष्ट्रको पुत्र मोहमा 
हस्तिनापुरको भविष्य देखिन्न 
शस्त्र नलिने कृष्ण प्रणले 
पितामहको संकल्प मेटिन्न ।।

-----------  ** -------------

पूर्वी चतारा वराहा क्षेत्र 
धर्तीको ज्ञान सौकत बढाई 
अमृतका ति पावन विन्दु 
शप्तकोशिको तीर चढाई ।।

-----------  *** ----------

सपूत एकै 
विभेदी संस्कारमा 
कसको दोष ?
---------- ** ----------